|
|
|
|
||||
|
KU EZ JI KURDÊ SURIYÊ BÛMA
12.09.2009
Wergerandin ji erebî : Zagros Osman T.H : zincîra ,,ku ez,, …. xala siyemîn ku ez ji Kurdê Suriyê bûma … kêlîkekê ez delûdînî nedibûm jibo dengê xwe bilind bikim, da ku cîhan bibhîze ku ez ji Kurdê Suriyê bûma … minê dengê xwe hilda , da ku cîhanê tevî bizanîba , bê çi stemkariyek sîstematîk li mafên gelê min dibe , jibo hebûn û ziman û çanda wî ji holê rakin , û minê bi hemî destekên aştyane – dîmokratîk , xebat bikra , jibo min ew pirojiyê jimartina ewarte şermezar bikra , ê ku li parêzgeha Cezîrê di 24 katjimêran de bicîbû ,di sala 1962 de,vî pirojeyî bi şêweyekî bê dadî hişt ku bêtirî 100,000 kurd ji nasnama welatê xwe Suriyê bêpar bimînin , û îro jimara van kesan bûye 400,000 hevwelatî , kêmkirî li qiraxa jiyanê dijîn û ji hemî mafên hevwelatiyê bêparin . Ku ez ji Kurdê Suriyê bûma … min sersalî nedikir da ku xebatê bikim , dijî pirojeya zinara Erebî- nijadperest a ku li parêzgeha Cezîrê bêkhat li gorî biryara partiya Elbais ,di sala 1972 , li gorî vê fermanê , erdên hevwelatiyên kurd ji dest wan derxistin , û li cotkarên ereb parkirin ê ku desthilatdariya Suriyê ew ji gundên parêzgehên Helebê û Reqayê guhestin parêzgeha Cezîrê , bi behana ku pirojeyê berbestê Elfûrat erdên cotkarên ereb binavkirin , mirov bawer nake ku destlatdar bi darê zorê erdê cotkarên kurd ji wan bistîne û li cotkarên ereb ê ku ji dervî herêmê hatne par bike, gerek pirojeyekî gewre wek ê Elraid dehên hezaran ji Hiktarên erdên avdayî pak bikra û li van cotkaran bela bibana, erdê vî piroijeyî wê têra wan bikra û jiber wan bêtir jî bima . ku ez ji Kurdê Suriyê bûma …ezê bi dengekî qube bigiryama , da ku cîhanê li rojhilat û rojava , bizanîba , ku fêrbûna xwendin û nivîsandina zimanê minî kurdî ê ciwan û ê bav û kala , jibo min û zarokên min qedexeye , bi darê zorê zarokên me fêrî zimanê erebî dikin,, ê ku ciyê birêz û rêzgirtina meye,, bi vî awayî zimanê me û çanda me û filkilora me ya netewî a ku em xwe pê serbilind dikin qels dibe , tev ku ew di dawî de perçak ji kultûra netewî a Suriyê ye ê fereh renge , û çand û kultûra cîhanî pê dolemend dibe . ku ez ji Kurdê Suriyê bûma … minê şerê siyaseta erebkirina navên gundan û bajaran û bajarokan bikra, û navê wanî ê durust li wan vegeranda , çeko çi navên gund û pajarên Filestînê hebin wan li deverên kurda kirina , bê ku ev kar sudekê bide pirsgirêka Filestînî , nakeve serê mirov ku di vê sedsaliyê de mirov şerê ziman û navên mirovan bikar bîne , qaşo ev sedsaliya azadî û mafêt mirova ye, û ê belakirina çanda pir reng û hizkirin û lêborîn di navbira xelkê deye . ku ez ji Kurdê Suriyê bûma … minê kelecad bikra jibo êşdîtina gelê xweyî belengaz bighînim azadîxwazên cîhanê ,û min qebûl nedikir ku jibo kuştina ciwanên kurda ê ku bi fîşekên zindî hatin kûştin di adara 2004 an de li Qamişlo ,dema ku befçûn derket di neqeba piştgirên yanê werzeşî Alcîhad tîmê bajarê Qamişlo û piştgirên yanê werzeşî Elfitiwe tîmê bajarê Dêrelzor , de pey bevçûnê re 25 xortên kurdan ê ku di temenê kulîlka debûn hatin kuştin , gelek hatin girtin û bi sedan êşandin li wan bû , û nakokî di navbira pêkhatên devera Cezîrê de derket holê , jibo xelk hay ji rewşa xwey jînkarî a xerab nekin , û haj xwe nekin ku dîmokrasî û azadî li welat tûneye . ku ez ji Kurdê Suriyê bûma … minê dengê xwe hilda , da ku cîhan tevî bibhîze , ku çiqas stemkarî li miletê min dibe, stemkariya ku bêjeya serdemê û pirensîbên mafên mirovan û nirxên lêborîn yên ola teva wê qebûl nakin , û minê lêpirsîn bixwesta jibo ê ku fîşekên teqînok li ciwanên kurdan barandin di newroza 2008 an de ,û 3 ê xort ji wan hatin kûştin , dema ku wan bi şêweyekî aştyane rabûn cejna xweyî netewî lidarxistin , ev tewanbarî wisa derbas bû bê ku di derbarê wê de lêpirsîn çêbibe ,çimkî di çavê deslatdariya hukimdar de xwîna welatiyê Suriyê çi ereb çi kurd erzane û bê nerxe . ku ez ji Kurdê Suriyê bûma … minê bergirî bikra dijî siyaseta nijadperestî a ku li ser mafê gelê kurd bi bikar tê , di qada diblomasî û akadimên leşkerî û dezgehên dewletê ê bilind de , lawên kurda qebûl nekin , û çavsoriya netewî û şêweyên gûmanlêkirinê li kurda dikin , minê şermezar bikra , çimkî kurd bi hemî erkên xwe jibo welatê xweyî Suriyê radibin , lê himber vê yekê kurd ji mafên xwe bêparin , û minê yarmetî bixwesta ji hêzên netewî ciwan û ji çalekiyên civakî û xwediyên wicdanên şiyar û nivîskarên azad , jibo li pirsgirêka kurdî binêrin mîna pirsgirêkek netewî Suriyê ye . çimkî ku siyaseta newekhevî û nijadperestî ji ser milê Kurdên Suriyê rabe wê xismeta pêşketina welat û dewleta Suriyê bike . ku ez ji Kurdê Suriyê bûma … minê lez û bez bikra ,da ku min rola kurdan li tenişta ereban bida xuyanê di cenga serxwebûnê de dijî dagirkirên firansî, û xebata kurdan bo damezrandina dewletek nûjen li Suriyê eşkere bikra , dema ku destlatdariyên bilind ê siyasî û yasayî û leşkerî û îdarî di destên maqûlên kurda de bûn , berya ku pêkhatê kurdî derînin dervî jiyana giştî , di bin bandora vezilandina nijada erebî , di çaxê yekitiya Misrê û Suriyê de , bi seroketiya Cemal Ebidelnasir , û sîstema polîsî a ku bingeha yekitîyê li ser avabû , rewş pîstir bû dema ku wergerandina 8 / 3 / 1963 ji aliyê partiya Bais Elerebî çêbû û destlatdarî ket destê Basiyan , vêca zincîra zordarî û stemkarî dijî kurdan destpêkir û berdewamkir û jiyana siyasî li welat bi giştî herifandin û destdirêjî li mafê mirova li Suriyê kirin ,û pêl azadiya giştî û kesane kirin . ku ez ji Kurdê Suriyê bûma … ez delûdînî nedibûm jibo beşdarî beza netewî a sîvîl – dîmokratîk bibim ,da ku şûrê yasayên tengavî û dadkirinên nerêtî , ji ser milê gelên Suriyê desthilgirin , ew qanona ku bikar tê ji dema wergirandina partiya Elbais 1963, û jibo avakirina dweleta maf û yasa û dezgehan, minê dest bi dest di gel hemû kesên ku xêra welat û milet dixwazin xebat bikra , nemez kesên rewşenbîr û çalekvanên dîmokrasî yên jimarek mezin ji wan di girtîgehan de ne , li gorî dûxa tengavî çewt a ku ji dadgehên ne yasayî û ne zelal dertên , hemî dezgehên mafeyî û ê mafê mirovan dibêjin ev dadgeh ne yasayîne , lewra çaresekirina pirsa kurdî bi pêşketina dîmokrasiyê ve hatiye girêdan , û çêspandina desturekî şehristanî , ê ku derbrînxwazê rewşa komelgeha Suriyê pêk tîne li gorî sozûqirarê mafê mirovan ê cîhanî , û Suriyê ji aliyên serete bû yên ku li ser wan nemze kiriye . doza min hevwelatî û wekhevî û dadmendîye , û tu rê li ber min nîne ji bilî xebata aştyane – dîmokrasî bê zordarî . ---------------------- Ferhengok: Pêkhatên ãßæäÇÊ yasayên tengav ÞæÇäíä ÇáØæÇÑìÁ dadkirinên nerêtî ÇÍßÇã ÚÑÝíÉ derbrînxwaz ÊÚÈÑ -------------- Tarek Heggy : Nivîskar û ramyarekî misrî lîbralî ye ,xwedî berhemên giran bûha ye, di warê ramayrî û abûrî û torî de , ew dostê miletên bindeste , û jibo mafê komikên kêm ê etnîkî û olî xebatê dike , di vî warî de jibo helwestên wî ê mirovayetî gelek xelatên cîhanî bi destketine wek a Grinzane Cavour ji Îtalya û a Grinzane ,T.H perefîsor bû li zanîngeha Fas , û berpirsyarekî bilind bû , di kompanya Şêl,û ew xwediyê kompanya Tana a betrolê ye
Zagros Osman : sibasdar@gmail.com |
|
|
|