Newroz û esmer

 

 

 

Helbest: pêşeroj cewherî

Esmerê zû rabe yarê

Ev roje roja newroze

Rabe karê xwe pêk bîne

Cejna me gelkî pîroze

 

ez di gel esmera xwe çûm

cejna newroz û adarê

ahinga bilbil û gulan

di nav himbêza buharê

 

Kulîlk ser şaxan dihejin

Sira bayê rojhilatê

Darkol û kirkak dinalin

Hilma nêrgiz û gulan tên

 

Pesar û çol xemilîne

Newroz hatiye cîhanê

Cejna we tevan pîroz be

Ey miletê kurdistanê

 

Esmerê kanî destê te

Da herin nav şax û baxan

Xweza hawîr dor buhare

wek buhiştan û gulîstan