Çi di nava Semîh Şiqêr û Şivan Perwer de derbas bû

Semîh Şiqêr

Kawa Şêxê 

Em kurd, me li ser pir kesan gotiye, heçê kesê li ber xwe dabe û me navê wî bihîstibe, me li ser wî gotiye, Cegerxwîn, Tîrêj, Şivan, Mihemed Şêxo, Bêbehar û hwd... li ser gelek miletên cîhanê gotine, weku Vêtnam, Kuba, Pol Robson, Marks, Lênîn, Diyan Biyan Fû, ......

 

Lê heya anha kesekî ku li ser xebata me kurdan nîvisandibe, nîne.

Ya rast em bêjin min nebhîstiye, tenê min bi du kesên ne kurd bihîstiye ku li ser kurdan gotine, yek jê Mahatma Gandiye ku ji qîza xwe re (Andera) behsa kurdan kiriye. Û yek jî jê ev mijara ku ez anha li ser dinîvisînim ew jî Semîh Şiqêr e.

 

Semîh Şiqêr kiye?

 

Ji bo kesên ku wî nasnakin, ezê Semîh bi kurtasî bidim naskirin:

Semîh Şiqêr stranbêjekî ereb e, ji Sûrî ye,

Hatiye naskirin bi sranên xwe yên şoreşgerî, gelek ji gotinên stranên xwe bi xwe nîvisandiye, lê awaz hemû yê wî ne.

Hinek dibêjin ku ew komonîst e, lê ew bi xwe li ser xwe dibêje: Ez ne bû me emndamê tu partiyên siyasî, û ez timî serbixwe bûm.

Stranên wî însanî, evînî, şoreşgerî, û siyasî ne.

Ji bilî stran gotinê ew mûzîka filman jî çêdike û ya şanoyan jî û herî naskirî jêre awazên ku ji bo şanogerya Muhammed Maxût (Li derveyî refê) çêkirine.

Gelek stanên wî ji helbestên helbestvane Filistînî ye naskirî: Mehmûd Derwîş in.

Heya berî demekê gelekî bi zehmetî karê xwe yê hunerî dikir, ji ber rewşa aborî û astengiyên dewletê jêre. Lê anha hinekî rewşa wî baştir bû ye, piştî ku nav û dengê wî ji sînorê sûriyê derbas bû ye û gihîstiye hemû welatên ereban.

Li ser Beyrûrê stran gotine, li ser hêviyê, li ser çinîna genim û çotkaran.

Stranên wî yên herî naskirkirî tevî ku qedexene: Santyêgo, Mehcûb û strana Hevalekî min heye ji Kurdistan, navê wî şivan e.

Sê Albûm çêkirine, yek bi navê: ez ji kêre distirêm.

Ya din bi navê: di dest min de Gîtar e.

Û ya siyemîn jî bi navê boxazên we, an jî zengelorkên we.

 

 

Çîroka strana li ser Kurdan:

 

Semîh dibêje:

Di sala 1985 an de, meha Adarê, Şevek xwendina helbestê ya hevalê min yê Helbestvan Hessan Izzet, li bajarê Hesekê, hebû, .

Em bi hevre çûn û li hûtêlekê li Hesekê bûn mêvan, roj jî 20 adarê bû û me dît ku tevgera bajêr ne normal e. Wek tê bê sibe eyd e. Yanî karê kirîn û firotinê û çûn û hatina milet.

Me pirsî û ji mere gotin: sibe Newroz e.

Heycanê em girtin, dostek ji xelkê hesekê hat û got: heger hûn qebûl bikin ezê we sibe dawtî Newrozê bikim!

Ji kêfa Newrozê re em firyan, wê şevê em ranezan, hestên cuda hebûn û heya li me bû sibeh min û Hessan Izzet me alîkarya hev kir di nîvisandina gotinê stranekê li ser kurdan, çiya û newrozê û ji ber ku min Şivan Perwer wekû sembûl ji van hemû tiştanre dît, rabû min li ser Şivan nîvisand û got.

Min ew di stranê de kir hevalê xwe tevî ku heya anha jî me hîna hev û din ne dîtiye.

Tiştekî nexweş çêbû ez dixwazim bînim ziman, dema me stran çêkir, û em çûn newrozê, me xwest em wê stranê diyarî kurdan bikin, lê komên ku wê çaxê li newrozê digotin nehiştin ez derkevim ser sehnê û vê stranê bêjim, ji ber ez ne girêdayî tu alî bûm û ne li ser navê tu partiyan hatibûm.

Ez û Hessan Izzet em şikestin, lê dîsa jî qet nerîna min di vî miletî de nehat guhertin û ne jî nerîna min di Şivan de û ne jî nerîna min di Newrozê de.

Û ji ber wê jî ez hatim û min ew stran xiste albûma xwe de û ew stran bû sedema qedexe kirina albûma min. Lê tevî wê qedexekirina ew albûma min ya her hati belav kirin û hezkirin.

 

Gotina min ji bo Mamoste Semîh Şiqêr:

Ez jî anha li ser navê wan komên hişk ku ne hiştin tu bistirê lêborîna xwe dixwazim.

Li ser navê miletê ku bi hesret bû ku navê xwe bighîne miletên din, li ser navê wana ez te spas dikim.

Û bi destura tebe, ezê gotinên strana te wergerînim kurdî ji bo perçê miletê min yê bi erebî nizane:

 

Hevalekî min heye ji Kurdistan

Navê wî Şivan e

Dengê wî di balê de

wek dema ku di newrozê de agir li ser chiya vêdikeve.

Bistre Şivan bêje

şivan perwer û  kawa şêxê

bêje û mizginiya paşerojê bide

xetîra xwe ya bi ceger

di wê dûraniya wêrek de vêxe!

Em di heviyan de yek in

me heye yek rêç

ka em bi hevre pexînin

da ku were

ew kêfa em hemû li hêviyê ne

ew roja ku em wê pîroz bikin

li serê çiyayên bilind.

li serê çiyayên bilind

 

Kawa Şêxê

12.08.2009