ciwanderiki@hotmail.com

Çav reşê bejna zirav ger carekî bêt pencera

Bireşîn cerg û hinavan hin ji tîrên çepera

Wan çi pêşwazî dikim xweş , didme ber sing û bera

Çend dikarî kulbikî can ,bik ..tu merda dilbera

Singe min tîrgeh ji bo te, ey perî çendî bibar

Êşû jana wan hevalin , lev dibanin ox û zar

Ez dizanim mêrkujê nadê mi carek ew bihar

Xokujê derya evîna wê , pelasîskim di ar .

Ev cihan têra mi nakê ger ji minre dil vekê

Dê neçarî bikme çarî , sal di nêva rojekê

Jêre stêran dikme ristik , heyv di nêva xalekê

Tang û topên kujmirov , wan didme dora çekçekê

Bejn û bal rewrewke , sîtav , çend dibim nêz dûr diçê

Wek şivanê destevala bê bilûr û tûr diçê

Hêvî û xewn û xwezî ber ba ketin , lê şûr diçê

Kuştî û girtî dibim hêj vîn di dilde kûr diçê .

Dilbijim dilber firişte , dilgirê çava me ez

Naxweşim dilber nivişte , canfirê dava me ez

Dojehim dilber bihişte , xwênerê nava me ez

Serxweşim yar bê tenişte , şah ezim , zava me ez

*     *     *     *     *     *     *

DÊRIK – 7 / 1 / 2008

www.amouda.com