08.12.2009

HINEK KURDÊ ME HENE

Hinek kurdê me hene      nezan û bê hodene

Bi kînê şerpezene           sofiyên Şêxê xwene

Jinêd wan kenîşene         lehengên jinê xwene

Bê sincî û wêjene            kelemên rêya mene

Bi tawan û lomene          ji wan werê zanene

Dûvikin hin kolene          altaxin ewarene

Dexsa wan a bi kene       bi nav jî tew konene

Li rû ew firîştene            lê marên kevnarene

Oflaz, durû, çetene         ew kewên eşkerene

Şabaşkirên werene          em bi wan ne ewlene

Xemxurên gewendene     sermiyanên tûlene

Li kolanan sûtene            bi gotinan lewçene

Metirsin ew nijdene         kaxezin rengşêrene

Çavnetêrin xurene           şevreşkên dirindene

Çilekên şîrovene             kêsbazên demsalene

Xinizin, gilêşene              ji bo me hemîşene

Ji ber wan em tunene       havînên me çilene

Nûnerên bê perdene        piroseyên serene

Ji neyar melhezene          dûrî mene, xewlene

Lê em ne di xew dene     xelkên me tev zanene

Karane perwerdene         hejîne amadene

Berên daran mêwene       bi katin , tovhîmdene

         Arşek Baravî    6/12/2009