Kêliya ku ji dayik bûm  Dilopên hêsiran berdane çavên min  Da ku dîtina min  Bi qasî êşa gelê min be.. (Amberto Akapal)  Roj baş da tu xwesotina mûman bi hilatina xwe vemirînî û pêşwaziya pêlvedanên oxira min bikî!,Roj baş da tu bi wêrekî parçeyên nexşeya parzemînên giyanê min, bi pêşmalkên ji êgir berhev bikî û reşeguliyên goristana Amûdê bi şehên şahberûyên bendemanê şeh bikî!  Bixwîne

Baskên xwe yên ji çurîskên êşê, di esmanê sedsalan de, di hişyariya hetavên westiyayî de wek ku tu çiyayan nabînî, vegire!Wek dijminekî li deryayê binêre, pêlên aziryayî bixwîne, perdeya ewran veçirîne, serçavkên baranê bikuje, di şevistana dirêj de, li wateyên nenas ên hebûnê, tenhatiyê, evînê,berfê, xwînê,  li egerên tarî û ronahiyê bigere! Li deryayê binêre û destên Qendilê yên ji av û êgir li ser milên xwe ragire…   Bixwîne