1:

Bi hizr û bîrweriyeke seqet

Bi tûrkekî bin pertî

Diçin bazara şeytên

Çavên teva li bêîrîka xwdêye

2:

Cade û şiqamên bê mirûs

û ewrên baskokirî

Newaziş û nefret ,

Di qirkan de li hev vedane

3:

Kurte pistek tê ji axê

Guhê tarê ne li baye

Zinhare kesê xerîb li dahola we bide

"ku ba hat şebeşan bidêr…."

4:

Kerekî pişt kurmî,

di kul kule

Berjêr hildikişe!

Bajarê kolistanê !

5:

Ronak sitewir ma

Çekçekolan şaşik girêdan…

Hêviyek şore

Werîsekî kevnare,ji çi hatiye rêsan?

Hilorekî reş pêve hatiye girêdan

Hêlaneke , çêlîkên dujehan xwedî dike dihejîne!!

6:

Du Çem dernexum bûn

Guloka sipehîbûnê di pîrbûnê de hilya

Dîroka bi talanan re hevîrkirî

Di qewilkin pîeoz de xwe parast !

7:

Mazûbanî tenê lawê xwe jêre serjênekir

Bi nimêja sibehêre di gola xwînê de werbû

Bûk û keçên pişt şikestî

Girêka jana xwe avêtn hezar salên pêşî

8:

"Mû bi zimanê me ve şînhat"

û xwê di mejîkî de şîn nehat

Belkî ev warê mirya ye ?

Jîngeha derd û belaye !