|
|
|
|
|
|
|
|
|
|
|
|
Pirtûka Eşîra Bêrtiyan derket!
| 30 JANUARY 2010 KNN/Pirtûk Ji Weşanên Han pirtûka Eşîra Bêrtiyan... Pirtûka lêkolînî ya bi navê Eşîra Bêrtiyan ya nivîskarê Kurd Ayhanê Bêrtî ji nav Weşanên HANê derket. Pirtûka lêkolînî ya bi navê Eşîra Bêrtiyan ya nivîskarê Kurd Ayhanê Bêrtî ji nav weşanên HANê derket. Pirtûk 6. berhema lêkolînî ya nivîskarî ye. Pirtûka Eşîra Bêrtî ji yanzdeh beşên lêkolînî pêk dihê. Her wiha beşeke lîsteya kronolîjîk ya qismeke ji Eşîra Bêrtiyan û albûmeke ji wêneyên lêkolînî jî pêk ve ye. Di dawiya pirtûkê de lîsteyeke bêjeyên taybetî yên Bêrtiyan jî hatiye destnîşankirin. Pirtûk bi tevayî ji 364 rûpelan pêk hatiye. Di destpêka pirtûkê de nivîseke Edîtorî ya di derbarê vê xebata giranbiha de hatiye nivîsandin. Ev nivîsa Edîtorî û nasnameya pirtûka Eşîra Bêrtiyan li jêr hatiye weşandin. KNN/Nahê Xan
Ji Edîtor Ev berhema di destê we de ya ku ji aliyê nivîskar û lêkolînvanê Kurd Ayhanê Bertî li ser dîroka Eşîra Bêrtiyan hatiye nivîsîn, gelek agahiyên bi nirx di nava xwe de dihewîne. Nivîskar berî ku vê pirtûkê binivîse, li gelek herêmên Kurdîstanê geriyaye û di derheqê Eşîra Bêrtiyan ya ku li Kurdîstanê yek ji eşîrên herî kevin û bingehîn e de, lêkolîneke kûr pêk aniye û agahiyên ku berhev kirine di vê berhema xwe de bi Kurdiyeke zelal û herikbar pêşkêşî bala xwendevanan kiriye. Bêrtî ji bilî Eşîra Bêrtiyan hem li ser dîroka eşîrperestiyê û hem jî li ser hemî eşîrên Kurdîstanê yên din jî lêkolîn kiriye û derbarê wan de jî di beşa yekemîn ya pirtûkê de gelek agahî ragîhandine. Em di beşeke vê berhemê de jî dibînin ku li Kurdîstanê serokên eşîrên Kurdan çawa bi gelê xwe ve li hemberî dagirkerên kevne-perest jibo serxwebûn û azadiya miletê xwe yê ezîz têkoşîn kirine. Wekî din jî, nivîskar di pirtîkê de gelek belgeyên fermî yên ku di encama lêkolînê de bi dest xistine, tevî wêneyên hin rûspî û serokên eşîrê pêşkêş kirine. Jixwe beriya vê jî pênc berhemên Ayhanê Bêrtî ji aliyê weşanxaneya me ve hatibûn weşan-din, em hêvîdar in ku ev pirtûka ku ji ked û zehmeteke giran pêk hatiye, dîroka Eşîra Bêrtiyan derdixîne ber ronahiyê û di Pirtûkxaneya Kurdî de ji xwe re cihê ku heq kiriye distîne. Berlîn´2010- Çille
Nasnameya Pirtûkê Eşîra Bêrtiyan / Ayhanê Bêrtî WEŞANÊN HAN - 21 Dokumantasyon - 9 Edîtor: Zeynel Abidîn Han Rûpelsazî: Sylvia Demirocak Berg: Welat Souliman Wêneyên bergê: Ahmet Demirocak Wêneyên pirtûkê: Xwemal
Çap û Girêdan: Han-Grafîk Verlag & Werbeagentur Bülowstr. 56-57 10783 Berlin/Deutschland
Tel.: +49 (0) 30 23 55 25 40 Fax: + 49 (0) 30 23 55 25 41 Mobil: +49 (0) 178 78 07 68 3 ISBN: 978-3-940997-24-1 Biha: 14,00 € |
|
|
|
|
|
|
|
|