bidin

bidin

bi paş ve

bidin

şadiyên çûyî 

hebûna min

çêbûna pêşî

jêdera pirbûna awazan

hêza daxwaza nû vejînê

bidin

dema

di mij de cîhan diçirisî

pijkova hêviya mucîze dayî

û  

xemila kulîkên sereserê deştan û zozanan qurifî

bidin

li xirbihê ku kundan

li ser didanî

jîna

li çepera sînga min pişkivî

tiştekî min nebû

têra min dikir

daxwaz û xeyalên birastî

bidin

bi paş ve

bidin

maça cara pêşî

li bin dara Berûyê 

min bêhn kirî

zayîna  

dilê min birîndarkirî

bidin

serkeftinên

di kûriya êşan de tijî

hêza nefretî

bedene qudreta evînê biraştî

bidin

bi paş ve

bidin

germiya hestên Gelawêjë

û

ciwaniya min

bidine min

Kamran Simo Hedilî